Всего на сайте:
248 тыс. 773 статей

Главная | Религия

Пресвятая Богородице, спаси нас!  Просмотрен 5

Кано́н Иису́су Сладча́йшему, гла́с 2.

Пе́снь1.

Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть, препросла́вленный Госпо́дь, сла́вно бо просла́вися.

Иисусе Сладчайший, спаси мя!

Иису́се Сладча́йший Христе́, Иису́се Долготерпели́ве, души́ моея́ я́звы исцели́, Иису́се, и услади́ се́рдце мое́, Многоми́лостиве, молю́ся, Иису́се, Спа́се мо́й, да велича́ю Тя́, спаса́емый.

Иисусе Сладчайший, спаси мя!

Иису́се Сладча́йший Христе́, Иису́се, отве́рзи покая́ния ми́ две́рь, Человеколю́бче Иису́се, и приими́ мя, Тебе́ припа́дающа и те́пле прося́ща, Иису́се, Спа́се мо́й, согреше́ний проще́ния.

Во имя Отца и Сына, и Святого Духа.

Иису́се Сладча́йший Христе́, Иису́се, исхити́ мя из руки́ льсти́ваго велиа́ра, Иису́се, и сотвори́ десна́го предстоя́теля сла́вы Твоея́, Иису́се, Спа́се мо́й, ча́сти шу́ия мя́ избавля́яй.

И ныне, и присно, и во веки веков. Аминь

Иису́са ро́ждшая Бо́га, Влады́чице, моли́ о непотре́бных рабе́х, Пречи́стая, я́ко да му́ки моли́твами Твои́ми изба́вимся, Нескве́рная, оскверне́ннии, сла́вы присносу́щныя наслажда́ющеся.

Пресвятая Богородице, спаси нас!

Пе́снь3.

Ирмо́с: На ка́мени мя́ ве́ры утверди́в, разшири́л еси́ уста́ моя́ на враги́ моя́, возвесели́бося ду́х мо́й, внегда́ пе́ти: не́сть свя́т, я́коже Бо́г на́ш, и не́сть пра́веден, па́че Тебе́, Го́споди.

Иисусе Сладчайший, спаси мя!

Услы́ши, Человеколю́бче Иису́се мо́й, раба́ Твоего́, вопию́ща во умиле́нии, и изба́ви мя́, Иису́се, осужде́ния и му́ки, Еди́не Долготерпели́ве, Иису́се Сладча́йший Многоми́лостиве.

Иисусе Сладчайший, спаси мя!

Подыми́ раба́ Твоего́, Иису́се мо́й, припа́дающа со слеза́ми, Иису́се мо́й, и спаси́, Иису́се мо́й, ка́ющагося мя́ и гее́нны, Влады́ко, изба́ви, Иису́се Сладча́йший Многоми́лостиве.

Предыдущая статья:Акафист Сладчайшему Господу нашему Иисусу Христу Следующая статья:Во имя Отца и Сына, и Святого Духа. И ныне, и присно, и во веки веков. Аминь
page speed (0.0157 sec, direct)