Всего на сайте:
248 тыс. 773 статей

Главная | Медицина, Здоровье

1 страница  Просмотрен 104

1.1.1

1.56 жастағы ер кiсi, цех бастығы, қабылдауға жолдасының көлiгiмен келесi шағымдармен жеткiзiлдi: 2 сағат бұрын дамыған басының, әсіресе желке бөлігінің қатаң ауыруы, жүрек айнуы, көз алдының мұнартып, “шiркейлердiң” пайда болуы.

15 жылдан бері басы ауырады, соған байланысты “бас аурудан” таблеткалар қабылдап жүрген. Алғашқы 10 жылда дәрiгерлерге сирек көрiнген, АҚ 160/100 мм сын. бағ. дейiн жоғарылаған. Дене салмағы 30 жасынан артық. Соңғы 5 жылда көңiл күйi төмендеген, әсiресе ай, квартал соңында есеп тапсырғанда өзiн нашар сезiнедi. Үш рет стационарда АҚ 220-240/110-130 мм сын. бағ. көтерiлуiне байланысты емделген. Стационарлық емнен АҚ 170/100 мм сын. бағ. дейiн төмендеген. Емхана дәрігерімен тағайындалған емдi жүйелi қабылдамайды. Емханалық картасынан: несебінде протеинурия мезгіл-мезгіл 0,0990/00 дейін, холестерині 8,6 ммоль/л. ЭхоКГ: аортаның айқын атеросклерозы, аорта диаметрі кеңіген, аорта қақпағы жармаларының ашылу тербелісі қалыптыдан төмен.

Об-тi: жалпы жағдайы орта ауырлықта, бет терiсi қызарған. Салмағы артық (бойы 180 см, салмағы 110 кг). Жүректiң шала тұйық дыбыс шегi солға 1,0 см ығысқан, тондары әлсiзденген, ырғақты, аорта үстiнде II тонның акцентi. АҚ 240/130 мм сын. бағ., пульсi 64 мин., кернеулi. ЭКГ: сол қарынша гипертрофиясы, систолалық күш түсумен.

Тапсырма:

1.Симптомдар/синдромдарды анықтаңыз, ішінен жетекші симптом/синдромды бөліңіз (базалық, ІА пропедевтикасы, 4-5 курстардағы ІА пәндерінің және сабақтас пәндердің білімін қолдану).

2.Жетекші симптом/синдромына (синдромдарына) сүйеніпжәнеолардыңерекшеліктерінебайланыстыкүдіктіаурулартізімін құрыңыз (синдромдық диагноз алгоритмі). Науқасты тексеружоспарын құрыңыз (ҚР ДСМ диагноздық және емдік хаттамаларын қолдану негізінде).

1. Синдромдары: артериялық гипертензия, гипертензиялық криз II типтi, метаболизмдік синдром: артық салмақ, дислипидемия – гиперхолестеринемия, нысана органдардың өзгерістері: протеинурия, кардиомегалия (сол қарынша гипертрофиясы), аортаның атеросклерозы, дисциркуляциялық энцефалопатия. Оның ішінде жетекшісі – артериялық гипертензия.

2. АГ 40 жастан кейін дамыған, антигипертензиялық дәрмектерді қабылдау тактикасы дұрыс болмаған; кризді негізінен эмоциялық күштемелер арандатады – сондықтан Артериялық гипертензия нозобірлігінен күдіктенеміз.

Нег. ауруы: Артериялық гипертензия III дәрежелi, қауiп-қатер тобы 4 – өте жоғары (артық салмақ, гиперхолестеринемия, протеинурия, сол қарынша гипертрофиясы, аортаның атеросклерозы, аневризмасы, дисциркуляциялық энцефалопатия).

Асқ.: Гипертензиялық криз, II типтi, асқынбаған.

Тексеру жоспары хаттамаға сай: АҚ мониторингі – АМАД, ДМАД; гемоглобин және/гематокрит; НЖА: тұнба микроскопиясы, микроальбуминурия, белокті анықтау; биохимиялық анализдерден: плазма глюкозасы, липидограмма, қан сары суының калий және натрийі, қан сары суында несеп қышқылын, креатининді анықтау (шумақтық фильтрация жылдамдығы); ЭКГ мен эхокардиография нәтижелері бар

3. Жалпы АГ диагнозы күдік туғызбайды: 40 жастан кейін, метаболизмдік синдром негізінде дамыған; антилипертензиялық дәрмектерді стационарда бақылаумен қабылдау нәтиже беріп отырған; нысана органдардың АГ ұзақтығына сәйкес өзгерістері бар. Дислипидемиялық факторларды ескере отырып, бүйрек артерияларының атеросклерозымен байланысты АГ қатерлі ағымға ауысу мүмкіндігімен ДД жүргіземіз, ол үшін бүйрек тамырларының допплер УДЗ қосамыз.

4. Клиникалық диагнозын негіздеу: шағымдары; ауру және өмір тарихы; status praesens communis пен мүшелеп бағалау; жүйелердің объективті мәліметтері; жетекші синдромдары; клиникалық диагнозы (негізгі, фондық, конкурентті, ілеспелі нозобірліктер мен асқынулар).

5. Науқаста асқынбаған криз болғандықтан күндізгі стационарлық емге және АҚ амбулаториялық мониторнгіне (АМАД) көрсетпе бар, онда каптоприл не/және нифедипинмен криз басылады; АГД таңдалады: ААФ қатарынан (каптоприл, лизиноприл, периндоприл, фозиноприл т.б. біреуін), ұзақ әсерлі кальций антагонистерінен (амлодипин, нормодипин, лацидипин т.б.

біреуін). Стационарда АГД тұрақты, жүйелі қабылдауын бақылау мақсатында АҚ мониторингін ұйымдастырамыз.

 

6. Үйіне шығарылғаннан соң ДМАД ұйымдастырамыз (науқасқа АҚ тіркеу амалдарын үйретеміз – АГ бар науқастар мектебіне жазамыз). Диспансерлік бақылауға аламыз, келетін мерзімдерін белгілейміз. Науқастың өмір салтындағы өзгертілетін мәселелерді жеткізу сұқбаты ........, негізгі дертке байланысты нысана органдарда дамуымүмкін тамырлық асқынулардың алдын аламын – біріншіден бұл АҚ межелік деңгейге сай бақылаумен байланысты, яғни АГД дұрыс таңдаумен және науқастардың оларды жүйелі қабылдауымен, ятрогенді асқынулардан кез келген дәрмектердің аллергиялық асқыну беру мүмкін екендігін науқастарға ескертеміз, жүйелі қабылдайтын дәрмектердің тегін берілетіндерін ДЕХ сүйеніп және басқа қажеттілерін ұсынамыз, рецептерін жазамыз; дәрігерге келіп тұратын диспансерлік қаралу мерзімдерін белгілейміз.

 

 

2. 55 жастағы науқас әйел, емханаға келесi шағымдармен келдi: басының ауыруы, айналуы, құлағының шулауы, жүрек тұсының шаншуы, жүрегiнiң айнып, құсуы.

Өзiн он шақты жылдан науқас санайды, алдын алу шолуында АҚ жоғарылығы анықталып, есепке алынған, мезгiл-мезгiл бас ауырулары болған, капотен, гипотиазид курстармен (?) тағайындалған, 3 рет стационарда емделген. Соңғы 2 жылда АҚ тұрақты жоғары деңгейде – 170-180/100 мм сын. бағ., кейде 220/120 мм сын. бағ. көтерiлiп, мазалайды. Емханалық картасындағы анализдерден: несебімен мезгіл-мезгіл, 0,033-0,0660/00 белок бөлінген; холестерині 5,9 ммоль/л. Келер алдында жұмыстағы келеңсiздiктен кейiн басының, жүрек аймағының қатты ауыруы, бас айналуы, бiр реттiк құсу мазалаған, тiлi мен ерiндерi ұйып қалған. Антигипертензиялық дәрмектер болмай қалған.

Жалпы жағдайы орта ауырлықта, артық салмағы бар (бойы 160 см, салмағы 92 кг), бетi домбыққан, қуқыл, қабақтары iсiнген. Санасы анық, патологиялық рефлекстер жоқ. Бет аймағында ауырсынулық және тактиль сезiмталдығы төмендеген. Сол қолының бұлшық еттік күшi әлсiз. Жүректiң шала тұйық дыбысының сол шегi сол бұғана орта сызығынан 2,0 см солға ығысқан. Жүрек тондары анық, ырғақты, аорта үстiнде II тонның акцентi, АҚ 230/120 мм сын. бағ. Пульсi 60 минутына, ырғақты. Бауыры ұлғаймаған. ЭКГ: I, aVL R биiк, R тiсшесi V5,V6>V4.

 

2. АГ 40 жастан кейін дамыған, антигипертензиялық дәрмектерді тағайындау тактикасы дұрыс болмаған; кризді негізінен эмоциялық күштемелер арандатады – сондықтан Артериялық гипертензия нозобірлігінен күдіктенеміз, дегенмен артық салмағын, дислипидемиялық факторларды ескере отырып, бүйрек артерияларының атеросклерозымен байланысты АГ қатерлі ағымға өту мүмкіндігімен ДД жүргіземіз, ол үшін бүйрек тамырларының допплер УДЗ тағайындаймыз. Тексеру жоспары хаттамаға сай: АҚ мониторингі – стационарда іске асырылады; гемоглобин және/гематокрит; НЖА: тұнба микроскопиясы, микроальбуминурия, белокті анықтау; биохимиялық анализдерден: плазма глюкозасы, липидограмма, қан сары суының калий және натрийі, қан сары суында несеп қышқылын, креатининді анықтау (шумақтық фильтрация жылдамдығы); ЭхоКГ. ЭКГ – бар.

Нег. ауруы: Артериялық гипертензия III дәрежелi, қауiп-қатер тобы 4 – өте жоғары (артық салмақ, гиперхолестеринемия, сол қарынша гипертрофиясы, гипертензиялық нефропатия, ми қан айналымының өтпелi бұзылысы – ТИА).

Асқ.: Гипертензиялық криз, II типтi, асқынған. Транзиттік ишемиялық шабуыл (атака). /Ми қан айналымының өтпелі (динамикалы) бұзылысы/.

3. Жалпы АГ диагнозы күдік туғызбайды: 40 жастан кейін, метаболизмдік синдром негізінде дамыған; антилипертензиялық дәрмектерді стационарда бақылаумен қабылдау нәтиже беріп отырған; нысана органдардың АГ ұзақтығына сәйкес өзгерістері бар. Дислипидемиялық факторларды ескере отырып, бүйрек артерияларының атеросклерозымен байланысты АГ қатерлі ағымға ауысу мүмкіндігімен ДД жүргізуді ұсынып, стационарға жолданатын құжатқа жазамыз, ол үшін бүйрек тамырларының допплер УДЗ қосу керек.

4. Клиникалық диагнозын негіздеу: шағымдары; ауру және өмір тарихы; status praesens communis пен мүшелеп бағалау; жүйелердің объективті мәліметтері; жетекші синдромдары; клиникалық диагнозы (негізгі, фондық, конкурентті, ілеспелі нозобірліктер мен асқынулар)

5. Науқаста асқынған криз болғандықтан профильді – неврологиялық бөлімде стационарлық емге көрсетпе бар, стационарда АГД таңдалады, ол негізінен диуретик тәрізді дәрмектер қатарынан – индапамид, ұзақ әсерлі кальций антагонистерінен (амлодипин, нормодипин, лацидипин т.б.

зерттеңіз), ААФ ингибиторларынан топтастырылады.

6. Үйіне шығарылғаннан соң ДМАД ұйымдастырамыз (науқасқа АҚ тіркеу амалдарын үйретеміз – АГ бар науқастар мектебіне жазамыз). Диспансерлік бақылауға аламыз, келетін мерзімдерін белгілейміз. Науқастың өмір салтындағы өзгертілетін мәселелерді жеткізу сұқбаты ........, негізгі дертке байланысты нысана органдарда дамуымүмкін тамырлық асқынулардың алдын аламын – біріншіден бұл АҚ межелік деңгейге сай бақылаумен байланысты, яғни АГД дұрыс таңдаумен және науқастардың оларды жүйелі қабылдауымен, ятрогенді асқынулардан кез келген дәрмектердің аллергиялық асқыну беру мүмкін екендігін науқастарға ескертеміз, жүйелі қабылдайтын дәрмектердің тегін берілетіндерін ДЕХ сүйеніп және басқа қажеттілерін ұсынамыз, рецептерін жазамыз; дәрігерге келіп тұратын диспансерлік қаралу мерзімдерін белгілейміз.

 

 

3.52 жастағы науқас әйел дәрігерге келесі: нитроглицериннің бір таблеткасымен басылатын төс артының сығып, басып ауырсынуының, сол қолы, жауырыны, мойнының сол жартысына берілетініне, жүріп келе жатқанда 300-400 метрдей қашықтықта, баспалдақпен көтерілгенде 3 қабатта дамып, қорқыныш сезімін туғызатынына, ентігудің қосылғанына шағымданып келді.

1,5 жылдан бері науқас, алғашқы сығып ауырсыну өте күшті физикалық күштенуден дамып, 5 минутта өздігінен басылған. Сонан бері ауырлау физикалық күштенулерде ауырсыну дамып, сол қолына тарайтын болған. Ауырсынудың соңғы ұстамасын ауыр физикалық жүктемемен байланыстырады. Соңғы бес жыл бойына АҚ да көтеріліп жүр. Әкесі миокард инфарктінен қайтқан.

Об-ті: жалпы жағдайы қанағаттанарлық, артық салмағы бар (бойы 169 см, салмағы 88 кг), перифериялық ісінулер жоқ. Жүректің салыстырмалы тұйық дыбысының сол шегі сол бұғана орта сызығынан 1,5 см тыс анықталды. Жүрек тондары анық, ырғақты, жүрек ұшында І тон әлсіздеу, аорта үстінде ІІ тонның акценті естілді. АҚ 180/95 мм сын. бағ. Пульсі ырғақты, 90 рет минутына, кернеуі жоғары. Іші жұмсақ, ауырсынусыз

Симптомдар/синдромдарды анықтаңыз, ішінен жетекші симптом/синдромды бөліңіз (базалық, ІА пропедевтикасы, 4-5 курстардағы ІА пәндерінің және сабақтас пәндердің білімін қолдану).

1.Коронарогенді кардиалгия (оның ішінде ангинальді синдром); ЖШ, компенсацияланған; АГ - эссенциальді; кардиомегалия (гипертензиялық жүрек, компенсацияланған), артық салмақ (метаболизмдік синдром?).

2.Келтірілген жетекші синдромдарына сүйеніп, келесі диагнозды қоюға болады. Болжам диагнозы:

Негізгі ауруы: ЖИА, тұрақты күштеме стенокариясы, ФКІІ. ЖШФКІ.

Конкурентті ауруы: Артериялық гипертензия, III дәр., өте жоғары қауіп тобы (артық салмақ, тұқым қуалаушылық, ЖИА).

Тексеру жоспары. Липидограмма; қан ұю уақыты, белсендірілген бөліктік тромбиндік уақыт (АЧТВ) – тамырлық ақынулардың алдын алатын ем тағайындау мақсатында, ЭхоКГ; офтальмоскопия; креатинин мен ШФ-шумақтық фильтрация (КФ). Холтерлік ЭКГ мониторинг миокард ишемиясының жиілігін; ишемия кезіндегі болуы мүмкін аритмиялар мен блоктарды анықтауға көмектеседі, ангиография тағайындау мәселесін шешуге де негіз болады.

3.Коронарогенді кардиалгия, оны саралайтын болсақ – ангинальді синдром сипатталған ерекшеліктерімен (ашып жазу) ЖИА нұсқайды; ентігудің тек физикалық күштемеде дамуы – ЖШ алғашқы функциялық кластарынан күдіктендіред; АГ – метаболизмдік синдроммен және ЖИА байланысты болғандықтан, эссенциальді (біріншілік) болады; кардиомегалия (гипертензиялық жүрек, компенсацияланған), артық салмақ – дислипидемия анықталса метаболизмдік синдром қоямыз, ол да ЖИА және АГ дәлелдей түседі. АГ мен ЖИА қайтымсыз факторларынан тұқым қуалаушылықты атау керек; липидограмманы тексеру барысында тұқым қуалайтын атерогенді дислипидемия анықталуы мүмкін. Қалған синдромдарын тұрақты еммен коррекциялауға болады.

4.Клиникалық диагнозын негіздеу: шағымдары; ауру және өмір тарихы; status praesens communis пен мүшелеп бағалау; жүйелердің объективті мәліметтері; жетекші синдромдары; клиникалық диагнозы (негізгі, фондық, конкурентті, ілеспелі нозобірліктер мен асқынулар).

5. Емі кешенді болады, есепке алудан басталады; тексерулер нәтижесінен кейін кардиолог кеңесі міндетті; салмақ тастау, гиподинамиямен күрес, сол арқылы физикалық толеранттылығын қалыптастыру; уақыт өте физикалық толеранттылығын жоғарылату; коронаролитиктік және антигипертензиялық әсерлері бар дәрмектерден таңдау: бета-блокаторлар (бисопролол немесе метопролол); ұзақ әсерлі нитраттар (мысалы, изосорбид мононитратының ретард түрі, 40 мг) курстармен, ал қысқа әсерлі – нитроглицеринді 0,5мг немесе изосорбид динитратының спрейін жанында үнемі алып жүру, ангинальді синдром кезінде қолдану; тамырлық асқынулардың (МИ, инсульт, соқырлық, т.б.) алдын алу мақсатында: ацетилсалицил қышқылын тәулігіне 75-100 мг және клопидогрельді 75 мг – ДАТ есебінде (двойная антитромбоцитарная терапия) жүйелі ішу; дислипидемиямен күрес (статиндер және/немесе трайкор).

6. Болжамы: емді тұрақты-жүйелі қабылдау арқылы кардиопротекторлық, ангиопротекторлық нәтижелерге қол жеткізуіне байланысты (мысалдар келтірсе өте жақсы). Диспансеризация сұрақтарын да ашып жазу керек.

 

2.1.1

4.Науқас 40 жаста. Шағымдары: басының ауруына, әлсіздік, тәбеттің нашарлауы, терісінің қышынуы, тұрақты бел аймағының сыздап ауырсынуы, бүйректік коликаның жиі болуы, кіші дәрет алғанда ауырсынуы, түйнеуі. Бүйректік колика кезінде зәрде қанның болуы.

Анамнезiнен: 10 жылдан бері бүйрек тас аурумен ауырады. 5 жылдан бері - артериальная гипертензия. Жағдайы 2 ай ішінде нашарлады

Об-ті: жалпы жағдайы орта ауырлықта, адинамиялық, дәрігермен сөйлесуы қийындау.Терісі құрғақ, құқыл, тургоры төмендеген, арқа мен төс терісінде қасу іздері. Беті домбықан, қабақтары айқын ісінген. Өкпе үстінде везикулалық тыныс, сырыл жоқ. ТАЖ 18 мин.

Жүректің сол шегарасы бұғана ортанғы сызығы боыйнан 2 см сыртқа орналасқан. Жүрек тондары тұйық, ырғақсыз бірлі-жарымды экстрасистола себебінен. ЖСС 72-76 мин. АҚ 160/100 мм сын.бағ. Іш қуыс ағзалардың патологиясы анықталған жоқ. Бүйрек аймағының пальпациясы ауырусынысыз. Диурезі 1200 мл.

ОАК: эр.- 3,0x1012/л, гемоглобин - 100 г/л, түс көрсеткіші - 0,7, тромб. - 200 x109/л, лейк. - 8,0x109/л, ЭТЖ - 15мм/сағ.

Қанның биохимиялық анализі: жалпы белок - 78 г/л, креатинин - 220 мкмоль/л, несеп қышқылы - 65 ммоль/л, натрий - 145 ммоль/л, калий - 4,73 ммоль/л, кальций - 2,0 ммоль/л.

ЖЗА: түсі - қоңыр-сары, мөлдірлігі – бұлынғыр, реакциясы - нейтралді, тығыздығы - 1,006, белок - 0,099 , лейк. - 10-12-14 к/а, эр. - 4-6-8 к/а, бүйректік эпителий жасушалары - ++, ураттар - ++, фосфаттар -+.

Зимницкий әдісі бойынша зәр анализі: тығыздығы -1,006-1,010. күндізгі диурез-500 мл. түнгі диурез-700 мл

Бүйрек УДЗ: екі бүйректеде тастар анықталған

 

1. Синдромдары: бел аймағындағы ұстамалы түрдегі ауырсыну синдромы, АГ, сол қарынша гипертрофиясы, ритм бұзылысы, анемия синдромы, несеп синдромы, БСШ синдромы. Жетекші синдромы: бел аймағынын ұстамалы түрде ауырсынуы, несептік синдром, БСШ синдром.

2. Бел аймағынын ұстамалы түрде ауырсынуы, несептік синдром, БСШ синдром , бүйрек УДЗ нәтижелеріне байланысты бүйрек тас ауыруы нозологиясынан күдіктенеміз. Несептік синдромының ерекшеліктеріне байланысты: аздаған протеинурия, лейкоцитурия, гипоизостенурия, никтурия екіншілік пиелонефрит дамуын дәлелдейді. Соңғы 2 айда жағдайының нашарлауы, бас ауруы, әлсіздік, тәбетінің төмендеуі, терінің қышынуы, сана бұзылуы, терінің құрғауы және бозаруы, тургорының төмендеуі, көкірек және арқа аймақтарда қасыған іздері болуы, зәрде мочевина, креатинин жоғарлауы БСШ қосылуын көрсетеді.

Нег.: Бүйрек тас ауруы.Екіншілік пиелонефрит , өршу сатысы

Осл.: БҮЙРЕК СОЗЫЛМАЛЫ АУРУЫ ІV (ШФ 23).

Темір тапшылықты анемия жеңіл дәрежелі

Тексеру жоспары, хаттамаға сәйкес амбулоторлық жағдайда: ЖКА, ЖЗА, ҚБХ анализ бүйрек УДЗ, шұмақшалар фильтрациясын анықтау, паратгормон анықтау, экскреторлы урография, қышқыл- cілтілі тепетендікті анықтау, керек жағдайда қосымша зерттеу әдістерін жүргізу.

3. Жалпы бүйрек тас ауруы диагнозы күдік туғызбайды. Бел аймағынын ұстамалы түрде ауырсынуы, несептік синдром, БСШ синдром , бүйрек УДЗ нәтижелеріне байланысты бүйрек тас ауыруы нозологиясынан күдіктенеміз. несептік синдромының ерекшеліктеріне байланысты: аздаған протеинурия, лейкоцитурия, гипоизостенурия, никтурия екіншілік пиелонефрит дамуын дәлелдейді. Соңғы 2 айда жағдайының нашарлауы, бас ауруы, әлсіздік, тәбетінің төмендеуі, терінің қышынуы, сана бұзылуы, терінің құрғауы және бозаруы, тургорының төмендеуі, көкірек және арқа аймақтарда қасыған іздері болуы, зәрде мочевина, креатинин жоғарлауы БСШ қосылуын көрсетеді.

Нег.: Бүйрек тас ауруы. Екіншілік пиелонефрит , өршу фазасы

Осл.: БҮЙРЕК СОЗЫЛМАЛЫ АУРУЫ ІV (ШФ 23).

Темір тапшылықты анемия жеңіл дәрежелі

4. Клиникалық диагнозын негіздеу:

Шағымдары: басының ауруына, әлсіздік, тәбеттің нашарлауы, терісінің қышынуы, тұрақты бел аймағының сыздап ауырсынуы, бүйректік коликаның жиі болуы, кіші дәрет алғанда ауырсынуы, түйнеуі. Бүйректік колика кезінде зәрде қанның болуы.

Анамнез негізінде: 10 жылдан бері бүйрек тас аурумен ауырады. 5 жылдан бері - артериальная гипертензия. Жағдайы 2 ай ішінде нашарлады;

status praesens communis пен мүшелеп бағалау: жалпы жағдайы орта ауырлықта, адинамиялық, дәрігермен сөйлесуы қийындау.Терісі құрғақ, құқыл, тургоры төмендеген, арқа мен төс терісінде қасу іздері. Беті домбықан, қабақтары айқын ісінген.

жүйелердің объективті мәліметтері: жалпы жағдайы орта ауырлықта, адинамиялық, дәрігермен сөйлесуы қийындау.Терісі құрғақ, құқыл, тургоры төмендеген, арқа мен төс терісінде қасу іздері. Беті домбықан, қабақтары айқын ісінген. Өкпе үстінде везикулалық тыныс, сырыл жоқ. ТАЖ 18 мин.

Жүректің сол шегарасы бұғана ортанғы сызығы боыйнан 2 см сыртқа орналасқан. Жүрек тондары тұйық, ырғақсыз бірлі-жарымды экстрасистола себебінен. ЖСС 72-76 мин. АҚ 160/100 мм сын.бағ. Іш қуыс ағзалардың патологиясы анықталған жоқ. Бүйрек аймағының пальпациясы ауырусынысыз. Диурезі 1200 мл;

жетекші синдромдары: бел аймағынын ұстамалы түрде ауырсынуы, несептік синдром, БСШ синдром

Аспапты-зертқаналық зертеу мәліметтері:

ЖҚА: гипохромді анемия.

БҚА: креатинин және мочевина жоғарлауы

ЖЗА: протеинурия, лейкоциурия, эритроцитурия, гипостенурия

Зимницкий бойынша зәр анализі: никтурия, гипоизостенурия

УДЗ бүйректіңекә бүйрек те тас болуы.

Нег.: Бүйрек тас ауруы. Екіншілік пиелонефрит, өршу фазасы

Асқ.: БҮЙРЕК СОЗЫЛМАЛЫ АУРУЫ ІV (СКФ 23).

Теміртапшылыұты анемия пени.

5. Науқас жағдай ауыр болғандықтан жоспарлы түрде ауруханаға жолданады - жоғары гипертензия, ісіну, БСШ. Екіншілік пиелонефритті емдеу:

1. Антибиотиктер цефалоспорин туындысы – Цефтриаксон 1 г *2 р/д, в/м 5–7 күн;
2. Уросептиктер фторхинолон туындысы – Ципрофлоксацин 500 мг 2 р/д, 8 –10 к.үн;
3. Анальгездік препарат (Кетопрофен 2,0 в/м ауырсыну жағдайында, Трамадол 1,0 в/м);
4. Спазмолитикалық (Гиосцина бутилбромид, Дротаверин 1,0 в/м 2 рет күніне);
5. Саңырауқұлаққа қарсы : Флуконазол 150 мг 1 рет пер ос

Бүйрек созылмалы ауруы емханалық деігейдегі шаралар: қауып факторларын анықтау және төмендету. Негізгі аурудың диагностикасы және этиотропты емі; созылмалы бүйрек ауру дамуын баяулату мақсатында жалпы патогенездік факторларын коррекциялау; жүрек қан тамыр жүйесінің диагностикасы, қауып факторларды бақылау және асқынуларды коррекциялау (АГ емі, ААФ ингибиторлар, сартандар, диуретиктер, бета блокаторлар, кальций антогонисттер; жүйеліасқынуларды алдын алу және емдеу; бүйрек дисфункциясын емдеу (анемия, су-электролиттік және фосфор-кальций алмасуының бұзылысы, гиперпаратиреоз, тамақтану жеткіліксіздігі және т.б.); темекі шегуден бас тарту; нефротоксикалық дәрмектерді қолдануды қадағалау, дәрмектерді қолданғанда ШФ ескеру қажет, бүйрек шамасыздығы терминальды сатысында гемодиализге дайындау, жануар майларды шектеу, тұзбен белокты шектеу, темекі тартуды тоқтату, салмақты коррекциялау.

6. Болжамы бүйректің созылмалы шамасыздығы дамуына және ем қабылдау тұрақтылығына байланысты. Науқастын жағдайнын бақылау: БҮЙРЕК СОЗЫЛМАЛЫ АУРУЫ IV-V сатысында ЖТД дәрігермен нефролог бірге бүйректін функциясын қадағалау керек. АҚ бақылау, бүйрек шамасыздығы терминальды сатысында гемодиализге дайындау, психосоциалді көмек көрсету.

 

 

5.52 жастағы науқас келесі шағымдармен келді: тыныштық жағдайда ентігу, шамалы мөлшерлі кілегейлі қақырықпен жөтел, жалпы әлсіздік, шаршағыштық. Көп жылдан бері темекі тартады, жылына 2 рет респираторлы аурумен ауырады. Соңғы 3 жыл көлемінде науқас ентігудің біртіндеп күшеюіне шағымданады, соңғы айларда балтырдың, аяқ басының ісінуі пайда болған.

Об-ті: еріндері цианозды, акроцианоз, аяқ-қолын ұстағанда мұздай. Балтырдың, аяқ басының ісінуі. Кеуде сарайы бөшке тәрізді пішінді, аз қозғалмалы. Тыныс алу актісіне иық белдемесінің бұлшық еттері, қабырғааралық еттер қатысады. Аускультацияда өкпе тынысы мозайкалы: жауырын аралық кеңістікте қатаң дыбыс, өкпенің төменгі және бүйірлі бөлігінде тыныс әлсіреген, тыныс алуда құрғақ сырылдар, тыныс шығару фазасы ұзарған. ТШ 24 рет мин. Горизонтальды жазықтықта жатқанда мойын веналары кеңейеді. Эпигастрий аймағында пульсациясы бар. Пульс 92 рет минутына. Жүректің сол шала тұйық шегі – ортаңғы бұғана сызығынан, жоғарғы шегі ІІІ қабырға аралықта, оң шегі – төстің оң қырынан 1,5 см-ге сыртқа. Жүрек тондары үнсіз, тахикардия, өкпе артериясының үстінде ІІ тонның акценті. Бауырдың Курлов бойынша өлшемі 14-13-11 см.

Предыдущая статья:Жизнь сурка | Глава 22 5 страница Следующая статья: 2 страница
page speed (0.0169 sec, direct)