Всего на сайте:
119 тыс. 927 статей

Главная | Религия

Чюдо преподобнаго о Иоанне Лихореве.  Просмотрен 41

Некий бе сынъ боярьский именемъ Иван Лихорев, приложи село свое в домъ Спасовъ и преподобнаго старца Генадия. Потом же паки помысли удалятися от ограды Спасовы и обители старцевы и вселитися в лавру Живоначальныя Троицы и преподобнаго Сергиа Чюдотворца. Таже творит себе путь шественое прехожение и по немъ сынъ его Алексеи умре злою смертию и потомъ часе доилица его смятеся, скачюще и рыкающе, надувшеся, пад, издше. И жена его в великий недугъ// впаде, велми изнемогающе сокрушишася, сошедшеся к ней соседи и некоторыя жены детей боярьскихъ посещениа ради. Видя же они таковое посещение Христово великое чюдо трясение жены тоя, начаша ей глаголати: «Мужъ твои восхоте измену с тобою измену учинити Спасу и преподобному Генадию, за то Богъ не пощаде сына вашего. Ныне, госпоже, обет сотвори ко Спасу и преподобному вспят отчину возвратити. Такоже о семъ вскоре пошли писание к мужу своему, не решилъ бы ся от Спаса и от обители святаго Генадия отчиною своею, яже обещаховеся». От того часа жена посла писание ко Иоанну и сама здрава бысть. Паки же погребе сына своего с песньми надгробными, на Иванна же во граде Переславле найде страх и трепет, исступи лица своего. Слуги же его глаголюще ему: «Возвратися, господине, воспять, видиши: Богъ не попущаетъ неправдамъ колико мы тебе в дому твоемъ глаголали, держися единого обета своего дому Спасова, Господи нашъ». Иоаннъ же молит своихъ слуг, да бы его отпровадили в дом Спасовъ. Паки же// Иваннъ обещася от ограды Спасовы не отлучатися и от обители преподобнаго старца Генадия не отступити селами своими.

Предыдущая статья:Наказание и поучение преподобнаго отца нашего аввы Генадия къ братии и къ людемъ Следующая статья:Чюдо о беснующемся человеце.
page speed (0.0096 sec, direct)