Всего на сайте:
123 тыс. 319 статей

Главная | Религия

Наказание и поучение преподобнаго отца нашего аввы Генадия къ братии и къ людемъ  Просмотрен 119

Великиа лавры живоначалныя Троицы и Пречистыя Богородицы и пацкия обители о Христе брату и присному сыну словесных овець пастырю игумену Васиану такоже Спасовы обители нашея паствы строителю Иосифу и всему еже о Христе братству нашему глаголю вамъ, духовная моя братия и спостницы. Уже ми есть день при вечери и секира при корени. Уже бо отхожу къ судищу Христову святыя его ради заповеди, не забудите мене, егда молитеся, но видеве ми гроб, поминайте мою любовь и молитеся, да ученитъ духъ мой съ праведными. Вы же, чада моя, бойтеся Бога и повинуйтеся наставником вашимъ всемъ по апостолу, царя православнаго и чада его почитайте с величаниемъ царскимъ, яко// Богъ земныи, святая ублажайте, ему же повинуются игумени духовною совестию. Вы же, чада моя, живущеи во обители Спасове и коемуждо игуменупоручится паства наша, и вы ему во всемъ покаряйтеся в послушании, да не исходите от места сего без благословения настоящаго и прекословия не творите брат со братом, ублажайте, братия, во всемъ, тму же оставляйте, да будет житие ваше по преданию, како нам написал отец наш Корнилие по преданию святыхъ отецъ. Прочее и зде во обители нашего смирения обретается, како жити черньцемъ, тебе же молю, игумена Васиана, не остави обители сеа верою своею, аще где будеши и в далных странах власти. Вы же, братия моя и чада, не разаряйте от общаго нашего предания ни в чемъ, собора церковнаго не отлучайтеся. Первая мерзость въ черньцахъ яже къ церкви не ходити и, пришед пред церковию стояти и глубитися или суды судити, такоже и келейною молитвою не пренемогаите, да не разслабився плоть съ душею погибнет, якоже лукавыи сатана хощетъ черньца жива во адъ свести. Вы же, братия моя и спостницы, будите нелиниви в монастырьских службах, не скорбите и не унывайте в трудех, имате своих труды ясти и пити и ему же поручится паства наша, прочее на него не ропщите. Ропщай чернецъ исчезновение себе творит, тако же словесъ учительских слушайте со усердным вниманиемъ, благая делайте с послушаниемъ. Тако же и ленивыя подвизайте на службу и на молитву, святыни не отлучайтеся.

Аще ли чернецъ шесть недель святыни не причащается, да несть чернецъ, на трапезе не глаголите ничтоже, тело питайте хлебом, а душю питайте молитвою Исус Христовою. Никакоже, братия моя, не крадите монастырьскаго орудиа, ниже хлеба или оградныя овощи и ничего за монастырь не износите по своимъ похотемъ, платие и обущу вси имейте равну, по келиям же пища всякия не имейте, хлеба ис трапезы вонъ не носите, разве нужи и немощи, да будет учрежение ваше во общеи трапезе всемъ равно ясти и пити в подобно время// Богъ не бранит. Брани же от Бога и от человекъ мерзско обиядатися и упиватися и плоти отягченои болезнено. Тако же неподобно промежу собою которатися, писана бо есть: «Враждотворцы царствия небеснаго не наследят». Тако же и не одноя овцы лукавии прелагающе братиею своею сюду и вноуду, а сами ни перстом касаются пучина горкаго ада полнится горкими нерадивыми мниси. Праведницы же мало терпевше и Божию заповедь сохранше, возрадуются во веки, Христос вселяет единомысленныя в домъ свой. Тако же и вы, чада моя, тщитеся проити сквозе тесная врата и прискорбный путь, да жизнь вечную обрящете, слугамъ же и работникомъ, тако же повелеваю не гневатися, ни которатися промежа собою, настоятелю во всемъ повиноватися и слушати ни котораго же старца оскорбети туне словомъ. Чадца моя, не спешите словом продръзати или деломъ дерзость учинити неподобну, тако же благоугоднымъ быти ко всемъ человеком, орудиа домашняя брежно имети и гостинная вещи отнюд бре//щи, да не погибнет от них ничтоже и некоторыя чающе себе помощы чюжимъ восхищениемъ. Уже, чада, темъ себе погубляеши зле хощеши скопити неправедным собраниемъ, потом же и своему прямому собранию пакость твориши, а душу свою предаеши огню вечному. И вы, чада, от сего безумия велми брезитеся и прочимъ человекомъ сия наша глаголы поминайте, такоже достоитъ монастырьская дела тружатися нероптиво и нелениво по силе без мятежа, да не будете, чада, человекоугодницы пред очию работающе, но вожделейте быти богоугодницы за очи работати верою и правдою, христианъ насильством не обидети брашном у них и питиемъ не волновати и гостьми не враждовати, приимати последняя места, такоже и ложных словесъ на христианъ игумену и старцемъ не износити. Вы же, братиа моя, будите поспешливы на благое и поучайтеся Божию слову во святом Евангелии и во апостоле и имейте у себе в дому Спасове нашего стяжания книжекъ от части// !!!!!!!!!!!!!!!

Возвещу вамъ, братиа моя, великое чюдо великаго старца Генадия отца своего и учителя случимися некогда от старецъ и от братии великое оскорбление со жестостию и азъ многогрешный игуменъ не восхоте жестости терпети от братии и многоостраго ихъ ответа слышати отиде от них во град Кострому и тамо вселихся во обитель чюднаго Богоявления сожительство имети духовному пастырю игумену Селивестру и о Христе братства его. Прочее же, братиа моя, в мимошедших моихъ летехъ в церквах Божиихъ не стоял с посохом у Богоявления же не возмогох бес посоха стояти прииде ми помыслъ пременитися от обители тоя здравиа ради и пришедшу ми во// обитель Пречистыя Богородицы Андреяновы пустыни в Пошехоние и тамо же по Божии воли не возмогохъ в церкви без посоха стояти в келии здравъ, а в церкви боленъ. По сем же <нрзб> паки возвратихся во обитель Спасову и скорее прибегохъ к целбоносному гробу, преподобному отцу Генадию, прося у него прощение своей дерзости, молитвою преподобнаго здрава мя сотворил Богъ по древнему моему житию, прославихъ Бога и его угодника святаго старца Генадия.

Предыдущая статья:Чюдо о епископе Кипреяне Вологоцкомъ Следующая статья:Чюдо преподобнаго о Иоанне Лихореве.
page speed (0.0098 sec, direct)