Всего на сайте:
119 тыс. 927 статей

Главная | Религия

Чюдо о епископе Кипреяне Вологоцкомъ  Просмотрен 43

Случися некогда владыце Перскому и Вологоцкому Кипреяну скорбь велия держащу веру в домъ Преображения Спасова, такоже любовь духовную име ко старцу Генадию. Святитель же смысли себе послати в пустыню по преподобнаго посещения ради своего. Тогда по епископову посланию прииде старецъ со ученики своими священноинокомъ Мисаиломъ и Алексеемъ. Благословися старецъ со ученкии своими у святейшаго епископа Кипреяна и абие радостенъ зело владыка о посещении старцове, никакоже владыце возмогающу со одра ходити, // противу же старца воста и благословляетъ крестным знамениемъ старца и со ученики его, приемлет за руце единаго старца, вводит его во внутреннюю келию свою. Беседующу святителю на долзе времени со старцемъ, людие же, видевше облегчение епископу ради посещения преподобнаго, велми удивишася и прославиша Бога и его угодников, творящихъ любовь межи собою и ко всемъ человекомъ. По беседовании же вшедшу имъ во внешнюю келию ко ученикомъ и к людем, воспиташася брашном благославнаго хлеба. На утрии же молит епископъ Бога и ко преподобному глаголетъ пред людми своими: «Наставниче пустынныи Генадие, моли за ны милостиваго Бога, дабы ми облегчилъ болезнь телесную и ноги моея недугъ». Рече старецъ святителю: «Богъ человеколюбецъ помогает от скорби человеком и целит недуги душевныя и телесныя болезни, и облегчает немощи стражущимъ по вере человека, а не наше бо есть сие дело великое, господи мой и святителю, и вся возможна суть от Бога, а от человекъ ничтоже. Се еси, господи мой, здравъ от скорби телесныя, нога же твоя прео//бразует последний часъ и не имать оздравити до последняго твоего издыхания. Миръ тебе, господи мой святейший отче». Владыка же поживе пять лет и одоволих старца и братию в пустыне рыбою и солию.

Предыдущая статья:Чюдо о князе Борисе Палецкомъ и о попе Василии Следующая статья:Наказание и поучение преподобнаго отца нашего аввы Генадия къ братии и къ людемъ
page speed (0.0085 sec, direct)