Всего на сайте:
123 тыс. 319 статей

Главная | Религия

Чюдо преподобнаго отца нашего аввы Генадия  Просмотрен 122

Путь шествие некогда творя блаженныи со ученики своими с Серапиономъ и со Уаром во царствующий градъ Москву, молится преподобныи образомъ Божиимъ и великимъ чюдотворцемъ, по времени же некоемъ шествуетъ преподобныи ко благоутробной болярыне именемъ Улияна Феодоровна зовомая, жена Романа Юрьевича. Честь старцу воздаваше Улияна со обема сынома своима Даниломъ и Никитою, и приводитъ его въ другия храмы, идеже бед щи ея Анастасия. Преподобныи же старецъ сотворих молитву и по молитве благословляет девицу Анастасию Романовну и касахся рукою своею на главе девици. Обычай бе преподобнаго у благородных чад родительския ради любве по главе гладя, глаголя: «Благаго корени благая и отрасль, благия отрасли ветвь плодовитая и розга прекрасная сие чадо». Потомъ глагола къ девици во услышанеи всемъ: «Будеши государыня царица благоверная, всему миру радость». Улияна же, слыша сия глаголы, удивися с чады своими и со всеми людми о недоуменномъ словеси, яже суть сия, что старецъ рече. Откуду бо есть ему глаголы явишася? Потом же Ульянея удоволих старца со своими чады благодатными потребами не во единъ год. Потом же паки сия вся збышася по пророчеству старчю. Оттоле царица Анастасия нача велию веру держати в домъ Спасовъ и преподобному старцу Генадию подоваше образы и ризы и ширинки.

Предыдущая статья:Житие Геннадия Костромского Следующая статья:Чюдо о князе Борисе Палецкомъ и о попе Василии
page speed (0.0137 sec, direct)