Всего на сайте:
119 тыс. 927 статей

Главная | Религия

Житие Геннадия Костромского  Просмотрен 44

Рукопись № 673 собрания Свято-Троицкой-Сергиевой Лавре.

Житие и подвизи преподобнаго отца нашего Геннадия Кострамскаго и Любимоградскаго <нрзб> списано бысть <нрзб> и от части чюдесъ его ученикомъ его игуменомъ Алексеемъ тоя обители.

Въ Троицы единосущнеи Отца, и Сына, и Святаго Духа истиньствую и исповедую единъ Господь Богъ Спасъ Нашъ Иисусъ Христосъ, прославляяй святых своих, тако же и мы их прославляемъ, росийстии людие, яко дивны чюдеса творитъ святыми своими угодники и даетъ дар Святаго Духа грубымъ человекомъ писание творити, никтоже намъ возбраняетъ намъ писати жития святых мужей, такоже и преподобныхъ отець наших пустынелюбивых. Пустыннии же отцы со единымъ Богомъ беседуют и светъ миру, якоже светъ аггели Божии мнихомъ, тако же и мниси свет миру.

Сей бе юноша литовския земли страны блаженныи Григорие, млад сый и красенъ зело единороденъ сынъ некоего великаго пана именемъ Иоанна, славна и богата, и матери Елены. Сии беста родителя его христиана суща, зело боящася Бога, никогда же церковнаго пения не отлучашася. Блаженныи же Григорие болши своих родителей подвизашеся всегда въ крыле церковьне живяше, день и нощь моляшеся Богу. О сем же подвизи родителя его негодоваше: «Что ты, чадо, тако твориши, или еси стражъ церковный? Срамъ нам есть от человекъ твои лишний подвигъ. Ходиве вкупе с нами въ церкви Божии, идеже ти поручихом храмы, пребывай въ нихъ в день, веселися с рабы своими, а в нощи опочивай на одре цветущемъ твоемъ». Отвеща имъ Григорие: «Родителие моя еста прелюбезная, не истязуйте ми сими глаголы. Азъ не хощу детьская игры творити. Вся Богъ творитъ, аки хощетъ, а человекъ творит елико может, Духъ Святый наставляет всякого человека на свой путь истинный» <нрзб> Блаженный же Григорие нача себе мыслити, како бы ему от родителей своихъ удалитися и отити в росийския страны и тамо вселитися в пречестныя их лавры Господу Богу молитися, изобра себе время благополучно, отиде от своихъ родителей на некоторую страну ко убогимъ человекомъ, совлече имъ светлыя своя одежы, повеле имъ устроити от своихъ родителей тайным обычаемъ и изя у нихъ в то место худыя ризы, облечеся в них и хожаше по странам литовскиа земли по пустыням и по стремнинамъ и по жилым селом, и по весемъ, и по градомъ литовьскимъ. Такоже хожаше по дикимъ лесомъ, многи беды прия от звереи и от градовъ, паче же от злыхъ// ПРОПУЩЕНА СТРАНИЦА// и наставникъ множеству инокомъ, иди, чадо, на Комельский лесъ ко преподобному Корнилию, той тебе имать научити, како ти Богу молитися и како ти пасти словесное стадо, множество чернецъ, а в нашей пустыне лепотным отрочатом невместимо пребывати. Опочивайте, чада моя, елико хощете». Они же пребываша все седмицы в пустыни у преподобнаго Александра и взя у него благословение и поидоста ко граду Вологде и от Вологды на Комельский лесъ, такоже приидоста в пустыню ко преподобному Корнилию. Толкущу им у вратъ преподобнаго Корнилия молитвою Иисусовою, преподобный же Корнилие, отверзая двери своя, глаголаше к нимъ: «Что бо бе, чада моя, како проидосте пустыни непроходныя, и что внидосте во убогую сию пустыню? Чесо хощета?» Юноши же рекоста Корнилию: «Господи нашъ, преподобный отче, желание нас великое одержит во иноческое одеяние, Христа ради причти насъ къ своему стаду избранному. Преподобный же Корнилий рече Григорию: «Прииди, чадо, во убогую сию келию// нашю, а ты, чадо Феодоре, имаши мирьских человекъ житие содержати и чада ражати». На Григориа же помаваетъ Корнилие искус чернеческий по преданию святых отецъ. И поживе Григорие во искусе доволно время, и паки Корнилий постригает Григория во мнишеский образъ и рече ему слово святаго Евангелия: «Аще оставит человекъ отца или матерь, жену и дети, села и имения, сторицею прииметъ и животъ вечный наследитъ. Мнози будут первии последни, а последнии первии». И еще глаголетъ к нему по отческимъ вопросомъ и по ответомъ, и вдаетъ ему по обещанию имя Геннадие: «Приими, чадо, древних святыхъ отецъ разумъ и терпение, смирение и любовь, паче же молитву соборную и келейную и в подвизехъ нелицемерных». Содружебникъ же Геннадиевъ Феодоръ вся пожив по пророчеству преподобныхъ отецъ Александра и Корнилия в глубоцей старости к Господу отиде в царствующемъ граде Москве. Преподобный же Геннадие по благословению Корнилиеву велми подвизашеся// в молитвах и трудех внешних, паче же во утренихъ службахъ в поварне и в пеколне и в прочихъ. Братия же велми негодоваше и ропщуще на Геннадия о мнозехъ подвизех. Слыша же Корнилие роптание от братия, укрепляя Геннадия, глаголаше: «Не скорби, чадо, о сем на братию. Возмущениемъ демоньскимъ они творятъ». Потомъ же паки во многа лета не престанут роптати на Корнилия и на Геннадия. Преподобный же Корнилие предаетъ место гневу, приемлетъ своего ученика Геннадия, отходит от своего начинания и от обители шестьдесятъ поприщь в Костромския пределы, на дикий лесъ, на Сурьское езеро. Оттоле мало поприщь до царскихъ христианъ оброчныхъ бортныхъ. Христианя же зело возрадовашася о пришествии Корнилиеве, сотвориша ему келию на четыре пределы и приношаху ему хлебъ и медъ и всякую потребу. Преподобный же Корнилие со ученикомъ своимъ Генадиемъ подвизася къ Богу молитвою и молениемъ и пакы труды полагая, лесъ сечашеи пашню сотворяя, еще ископая четыре пруды, иже бе и доныне. В лете же// ПРОПУЩЕНА СТРАНИЦА// трудехъ. Ты же по нашему повелению отходною своею пустынею благослови своего ученика, его же хощеши. По отхожению государя благовернаго и великаго князя Василия Ивановича преподобный игуменъ Корнилие пустынею благословляет ученика своего Генадия. Такоже повелеваетъ ему церковь воздвигнути во имя Преображения Господа и Спаса Нашего Иисуса Христа. Преподобный же старецъ Генадие по государеву жалованию и по благословению отца своего игумена Корнилия вся сотворилъ въ пустыне и церковь Божию поставил и украсилъ ея святыми иконами и книгами и всякою лепотою церковною. Братиам же у него въ пустыне множащимся, паки преподобный устраяетъ вторую церковь теплую во имя преподобнаго Сергиа Чюдотворца Радонежескаго и украшаетъ ея, яко же и первую церковь. Сам же преподобный прилагает труды ко трудомъ и преходитъ от силы в силу и от славы в славу во всякихъ трудехъ и подвизехъ, собою образъ показуя братиямъ. Еще же и жилища ихъ добре устраивает, в день дрова сечаше, а в нощи // по братским жилищамъ рознашивая, такоже и труды ко трудомъ прилагаше во своей ему пустыне. Еще же удручая плоть свою в поварне и в пекольне и власяницы на братию мыяше, паче же подвизаяся о церковныхъ службах, приспевая свещи и кутию, и просвиры печаше, паки же име постъ и непрестанную молитву и келейное правило и коленное покланяние. Еще же ношаше вериги, кресты железныя и тяжкия чепи, таковое убо великое бремя ношаше преподобный ражьжения от плоти на духъ, яко же воздержание бываетъ коню от узды, тако и преподобный на грехопадныя недуги, воздержание имея от веригъ и от прежереченныхъ подвизехъ. Того ради на немъ почи Святая Троица Отецъ, и Сынъ, и Святый Духъ. Тако же яко паки тщашеся на внешния подвиги и делая пашню и лесъ сечаше во всехъ обычаехъ и нравехъ образъ подавая своимъ ученикомъ, учаше ихъ, не первее словомъ, но деломъ показуя прежереченнымъ. Ныне, братиа моа, // кто может изрещи таковое житие всепреподобнаго и многотерпеливаго страдание, или кто может исчести болезни и труды его, и желение о братии в покоехъ. Престанемъ же ныне от сего хваления преподобнаго старца. И паки инде учителное слово его известимъ и прехвално поведаемъ истинныя его повести.

Предыдущая статья:ЗАЩИТА ТЕХНИЧЕСКИХ КАНАЛОВ СВЯЗИ ПРЕДПРИЯТИЙ И УЧРЕЖДЕНИЙ ОТ НЕСАНКЦИОНИРОВАННОГО ДОСТУПА К ИНФОРМАЦИИ, Список сокращений Следующая статья:Чюдо преподобнаго отца нашего аввы Генадия
page speed (0.0081 sec, direct)